இந்திய குடலியல் மற்றும் குறைந்த காயப்படுத்தும் அறுவை சிகிச்சை நிபுணர்கள் சங்கமான IAGESமற்றும் உலகின் பழமையான அறுவை சிகிச்சை கல்லூரி ராயல் காலேஜ் ஆஃப் எடின்பரோ இடையே வரலாற்றுச் சிறப்பு மிக்க கல்வி ஒத்துழைப்பு ஒப்பந்தம்.
இந்திய குடலியல் மற்றும் குறைந்த காயப்படுத்தும் அறுவைச் சிகிச்சை நிபுணர்கள் சங்கமான IAGES மற்றும் உலகின் பழமையான அறுவைச் சிகிச்சைக் கல்லூரியான ராயல் காலேஜ் ஆஃப் சர்ஜன்ஸ் ஆஃப் எடின்பரோ இடையே வரலாற்றுச் சிறப்புமிக்க கல்வி ஒத்துழைப்பு ஒப்பந்தம்
சென்னை,
இந்தியாவின் மிகப் பழமையான குறைந்த காயப்படுத்தும் (Minimally Invasive) மற்றும் குடலியல் அறுவைச் சிகிச்சை நிபுணர்கள் சங்கமான இந்தியன் அசோசியேஷன் ஆஃப் காஸ்ட்ரோஇன்டெஸ்டினல் எண்டோசர்ஜன்ஸ் (IAGES), உலகின் மிகப் பழமையான மற்றும் மதிப்புமிக்க அறுவைச் சிகிச்சைக் கல்வி நிறுவனங்களில் ஒன்றான ராயல் காலேஜ் ஆஃப் சர்ஜன்ஸ் ஆஃப் எடின்பரோ (RCSEd) உடன் கல்வி மற்றும் பயிற்சி ஒத்துழைப்பிற்கான Letter of Intent (LOI)-ஐ கையெழுத்திட்டு வரலாற்றுச் சாதனை படைத்துள்ளது. இந்த முக்கிய நிகழ்வு 2026 ஜூலை 12 ஆம் தேதி சென்னையில் நடைபெற்றது. IAGES சார்பில் அதன் தலைவர் பேராசிரியர் டாக்டர் கே. கோவிந்தராஜ் ஒப்பந்தத்தில் கையெழுத்திட்டார். இந்நிகழ்வில் ராயல் காலேஜ் ஆஃப் சர்ஜன்ஸ் ஆஃப் எடின்பரோவின் தலைவர் திருமதி கிளேர் மெக்நாட் (Mrs. Claire McNaught), துணைத் தலைவர்கள் பேராசிரியர் அங்கஸ் வாட்சன் (Prof. Angus Watson) மற்றும் திரு ராபின்சன் (Mr. Robinson), கவுன்சில் உறுப்பினர்களான டாக்டர் சாய் விட்டல் மற்றும் டாக்டர் செல்வசேகர் ஆகியோர் இங்கிலாந்திலிருந்து வருகை தந்து பங்கேற்றனர். மேலும் IAGES அமைப்பின் மூத்த உறுப்பினர்களான டாக்டர் வெங்கடேஷ், டாக்டர் பிரசன்ன குமார் ரெட்டி, டாக்டர் சுனில் குமார், டாக்டர் கண்ணன் உள்ளிட்ட பல முன்னணி அறுவைச் சிகிச்சை நிபுணர்கள் நிகழ்வில் கலந்து கொண்டனர். இந்த கல்வி ஒத்துழைப்பின் முக்கிய அம்சங்கள் பின்வருமாறு: * IAGES மற்றும் RCSEd இணைந்து காலாண்டுதோறும் (Quarterly) சர்வதேச இணையவழி கருத்தரங்குகள் (Webinars) நடத்துதல். * இந்தியா மற்றும் ஐக்கிய இராச்சியம் இடையே Fellowship, Observership மற்றும் பயிற்சி பரிமாற்றத் திட்டங்களை உருவாக்குதல். * IAGES நடத்தும் தேர்ந்தெடுக்கப்பட்ட கல்விப் பயிற்சி வகுப்புகளுக்கு ராயல் காலேஜ் ஆஃப் சர்ஜன்ஸ் ஆஃப் எடின்பரோவின் அங்கீகாரத்தைப் பெறும் முயற்சிகள். * இரு அமைப்புகளின் ஆண்டு மாநாடுகளில் பரஸ்பர பங்கேற்பு மற்றும் கல்வி ஒத்துழைப்பு. * இரு அமைப்புகளின் உறுப்பினர்களையும் பயிற்சி மற்றும் கல்வி நிகழ்ச்சிகளில் பங்கேற்க அழைத்தல். * அறுவைச் சிகிச்சை கல்வி, ஆராய்ச்சி மற்றும் குறைந்த காயப்படுத்தும் அறுவைச் சிகிச்சைத் துறையின் வளர்ச்சிக்கான புதிய கூட்டு முயற்சிகளை முன்னெடுத்தல். இந்நிகழ்வில் பேசிய IAGES தலைவர் பேராசிரியர் டாக்டர் கே. கோவிந்தராஜ், “இந்த ஒப்பந்தம் IAGES வரலாற்றில் மட்டுமல்லாமல், இந்திய அறுவைச் சிகிச்சைத் துறையின் சர்வதேச வளர்ச்சியிலும் ஒரு முக்கிய மைல்கல்லாக அமையும். உலகத் தரமான கல்வி, பயிற்சி மற்றும் அனுபவப் பரிமாற்ற வாய்ப்புகள் இந்திய அறுவைச் சிகிச்சை நிபுணர்களுக்கு உருவாகும்,” என்று தெரிவித்தார். இந்த ஒத்துழைப்பு மூலம் இந்திய அறுவைச் சிகிச்சை நிபுணர்கள் உலகளாவிய கல்வி மற்றும் பயிற்சி வாய்ப்புகளைப் பெறுவதுடன், இந்தியாவில் குறைந்த காயப்படுத்தும் அறுவைச் சிகிச்சைத் துறையின் தரத்தை மேலும் உயர்த்தும் என எதிர்பார்க்கப்படுகிறது. இந்த உடன்படிக்கை, IAGES அமைப்பின் வரலாற்றில் மிக முக்கியமான சர்வதேச கல்வி ஒத்துழைப்புகளில் ஒன்றாகக் கருதப்படுகிறது.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
